ഈ വര്‍ഷം പുതിയതായി 31,517 ഹോട്ടല്‍ മുറികള്‍ തുടങ്ങാനാണ് ഗള്‍ഫ് രാഷ്ട്രങ്ങളിലെ സമ്പന്ന രാജ്യമായ യുഎഇയുടെ തീരുമാനം. ഇതില്‍ 40 ശതമാനം ഹോട്ടലുകളും മിഡില്‍ ഈസ്റ്റ് രാജ്യങ്ങളിലും ആഫ്രിക്കന്‍ രാജ്യങ്ങളിലുമാണെന്ന് എസ്ടിആര്‍ ഗ്ലോബല്‍ പുറത്തുവിട്ട കണക്കുകളില്‍ വ്യക്തമാക്കുന്നുണ്ട്.
അതേ സമയം ചൈന ഈ വര്‍ഷം തുടങ്ങാന്‍ പോകുന്ന ഹോട്ടല്‍ മുറികളുടെ എണ്ണം 82,559 റൂമുകളാണ്. എംഇഎ മേഖലയില്‍ ഏകദേശം 24,170 ഹോട്ടല്‍ മുറികളാണ് ചൈന ആരംഭിക്കുന്നത്. സൗദി അറേബ്യയാണ് ഹോട്ടല്‍ വ്യാവസായത്തില്‍ യുഎഇയുടെ തൊട്ടുപിന്നിലുള്ളത്. ഒമാന്‍ ഈ വര്‍ഷം 3000 ഹോട്ടല്‍ മുറികള്‍ തുടങ്ങാന്‍ ആലോചിക്കുന്നുണ്ട്.
അതേസമയം ദുബായിലേക്ക് എത്തുന്നവരുടെ സന്ദര്‍ശകരുടെ എണ്ണത്തിലും വര്‍ധനവുണ്ടായട്ടുണ്ടെന്നാണ് റിപ്പോര്‍ട്ട്. 2018ലെ ആദ്യത്തെ 9 മാസം കൊണ്ട് 11.58 മില്യണ്‍ ആളുകളാണ് ദുബായ് സന്ദര്‍ശിക്കാനനെത്തിയത്. ദുബായുടെ വരുുമാനത്തിന്റെ പ്രധാന പങ്ക് ടുറിസ്റ്റുകള്‍ക്കാണ്. അത് കൊണ്ട് കൂടുതല്‍ ഹോട്ടലുകള്‍ ആരംഭിക്കാന്‍ നിര്‍ബന്ധിതരാവുന്നത്. ഹോട്ടല്‍ വിപണിയിലെ പ്രധാന പങ്ക് കൂടുതല്‍ ഇന്ത്യയില്‍ നിന്നുള്ളവരുടേതാണ്.
