ആധാര്‍ കാര്‍ഡ് അപ്ഡേറ്റ് ചെയ്യുന്നതിന് ചാര്‍ജ് ഈടാക്കുന്നു. ആധാര്‍ എന്റോള്‍മെന്റ് സെന്റര്‍ (ആധാര്‍ സേവാ കേന്ദ്രം) സന്ദര്‍ശിക്കുകയോ അല്ലെങ്കില്‍ ഓണ്‍ലൈന്‍ സേവനങ്ങളോ ഉപയോഗിച്ച് ആധാര്‍ അപ്ഡേറ്റ് ചെയ്യാം. ഒന്നോ അതിലധികമോ കാര്യങ്ങള്‍ അപ്ഡേറ്റ് ചെയ്താലും, ബയോമെട്രിക്‌സ് അപ്ഡേറ്റ് ചെയ്യുകയാണെങ്കില്‍, ആധാര്‍ അപ്ഡേറ്റിനുള്ള നിരക്കുകള്‍ 100 രൂപ ആയിരിക്കും. യുഐഡിഎഐയുടെ ട്വീറ്റിലാണ് ഇക്കാര്യം വ്യക്തമാക്കിയിരിക്കുന്നത്. അതേസമയം ഡെമോഗ്രാഫിക് വിശദാംശങ്ങള്‍ മാത്രം അപ്ഡേറ്റ് ചെയ്യുകയാണെങ്കില്‍ യുഐഡിഎഐ 50 രൂപ ഈടാക്കും.
അപേക്ഷാ ഫോമിനും ഫീസിനുമൊപ്പം, ആധാറില്‍ പേരോ വിലാസമോ ജനനത്തീയതിയോ മാറ്റുന്നതിനായി സാധുവായ രേഖകള്‍ സമര്‍പ്പിക്കേണ്ടതുണ്ട്. ഐഡന്റിറ്റി തെളിവായി 32 രേഖകളും വിലാസത്തിന്റെ തെളിവായി 45 രേഖകളും ജനനത്തീയതിയുടെ തെളിവായി 15 രേഖകളും യുഐഡിഐഐ സ്വീകരിക്കും. നിങ്ങളുടെ ആധാറില്‍ വിശദാംശങ്ങള്‍ മാറ്റുന്നതിന് സാധുവായ ഏതെങ്കിലും തെളിവുകള്‍ നിങ്ങള്‍ക്ക് സമര്‍പ്പിക്കാന്‍ കഴിയും.
ആധാറിലെ എല്ലാ മാറ്റങ്ങളും സ്ഥിരീകരണത്തിനായി രേഖകള്‍ സമര്‍പ്പിക്കാന്‍ ആവശ്യപ്പെടുന്നില്ല. പ്രമാണങ്ങളൊന്നും സമര്‍പ്പിക്കാതെ തന്നെ നിങ്ങളുടെ മൊബൈല്‍ നമ്പര്‍ ആധാര്‍ കാര്‍ഡില്‍ അപ്ഡേറ്റ് ചെയ്യാന്‍ കഴിയും. ഏത് പ്രമാണങ്ങളോടും കൂടി നിങ്ങളുടെ ഏറ്റവും പുതിയ ഫോട്ടോ അപ്ഡേറ്റ് ചെയ്യാനും നിങ്ങള്‍ക്ക് കഴിയും. ബയോമെട്രിക്‌സ്, ലിംഗഭേദം, ഇമെയില്‍ ഐഡി എന്നിവപോലുള്ള മറ്റ് വിശദാംശങ്ങളും തടസ്സരഹിതമായ രീതിയില്‍ അപ്ഡേറ്റ് ചെയ്യാന്‍ കഴിയും.
പുതിയ ആധാര്‍ എന്റോള്‍മെന്റ്, പേര്, വിലാസം, മൊബൈല്‍ നമ്പര്‍, ഇമെയില്‍ ഐഡി, ജനനത്തീയതി, ലിംഗഭേദം അല്ലെങ്കില്‍ ബയോമെട്രിക്‌സ് എന്നിവ അപ്ഡേറ്റ് ചെയ്യുന്നതുള്‍പ്പെടെ ആധാര്‍ സേവനങ്ങള്‍ക്കായി നിങ്ങള്‍ക്ക് ഒരു ആധാര്‍ സേവന കേന്ദ്രത്തില്‍ ഒരു അപ്പോയിന്റ്‌മെന്റ് ബുക്ക് ചെയ്യാം. ഈ സൗകര്യം എല്ലാ ആധാര്‍ സേവാ കേന്ദ്രങ്ങളിലും ലഭ്യമല്ല. ഇപ്പോള്‍, നിങ്ങള്‍ക്ക് കുറച്ച് കേന്ദ്രങ്ങളില്‍ മാത്രമേ അപ്പോയിന്റ്‌മെന്റ് ബുക്ക് ചെയ്യാന്‍ കഴിയൂ. യുഐഡിഐഐ വെബ്സൈറ്റ് വഴി ആധാര്‍ സേവാ കേന്ദ്രത്തില്‍ നിങ്ങളുടെ അപ്പോയിന്റ്‌മെറ്റ് ബുക്ക് ചെയ്യാം.
ആധാറില്‍ മാറ്റങ്ങള്‍ വരുത്തുമ്പോള്‍ ജാഗ്രത പാലിക്കുക. നിങ്ങള്‍ക്ക് തോന്നുമ്പോഴെല്ലാം നിങ്ങളുടെ ആധാര്‍ അപ്ഡേറ്റ് ചെയ്യാന്‍ സാധിക്കില്ല. മാറ്റങ്ങള്‍ വരുത്താന്‍ കഴിയുന്ന സമയത്തിന് യുഐഡിഎഐ ചില നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. ഇതുപോലെ, നിങ്ങളുടെ പേര് രണ്ടുതവണ മാത്രമേ അപ്ഡേറ്റ് ചെയ്യാന്‍ കഴിയൂ. ആധാര്‍ കാര്‍ഡ് ഉടമയുടെ ജീവിതകാലത്ത് ഒരു തവണ മാത്രമേ ജനനത്തീയതിയും ലിംഗഭേദവും അപ്ഡേറ്റ് ചെയ്യാന്‍ കഴിയൂ.
