ദുബൈ: ലോകത്തിലെ ഏറ്റവും ഉയരം കൂടിയ കെട്ടിടത്തിലെ കാഴ്ചകള്‍ ഇനിമുതല്‍ വില്‍പ്പനക്ക്. ഇമാര്‍ പ്രോപ്പര്‍ട്ടീസാണ് ബുര്‍ജ് ഖലീഫയില്‍ നിന്നുള്ള കാഴ്ചകള്‍ വില്‍പ്പനക്ക് വെച്ചിരിക്കുന്നത്. ഏഴായിരം കോടിയില്‍പരം രൂപയ്ക്ക് നിരീക്ഷണ ഡെക്ക് വില്‍ക്കാനാണ് നീക്കം. യുഎഇയിലെ റിയല്എസ്റ്റേറ്റ് മേഖലയിലെ പ്രതിസന്ധികള്‍ നേരിടുന്ന പശ്ചാത്തലത്തിലാണ് എമാര്‍ പ്രോപ്പര്‍ട്ടീസ് ബുര്‍ജ് ഖലീഫയുടെ ഒബ്‌സര്‍വേഷന്‍ ഡെക്ക് വില്‍ക്കാന്‍ തീരുമാനിച്ചത്. ഏകദേശം 7100 കോടിരൂപയുടെ വില്‍പ്പനയാണ് പ്രതീക്ഷിക്കുന്നത്.ലോകത്തിലെ ഏറ്റവും ഉയരംകൂടിയ കെട്ടിടമായതിനാല്‍ ബുര്‍ജ് ഖലീഫ വിനോദസഞ്ചാരികളുടെ പ്രിയകേന്ദ്രമാണ്. കഴിഞ്ഞ മാസമാണ് ഒബ്‌സര്‍വേഷന്‍ ഡെക്ക് വില്‍പ്പനക്കുള്ള നടപടികള്‍ തുടങ്ങിയത്.
828 മീറ്റര്‍ ഉയരമുള്ള ബുര്‍ജ് ഖലീഫയ്ക്ക് ന്യൂയോര്‍ക്കിലെ ഏറ്റവും ഉയര്‍ന്ന കെട്ടിടമായ എംപയര്‍ സ്റ്റേറ്റഅ ബില്‍ഡിങ്ങിനേക്കാള്‍ രണ്ടിരട്ടി ഉയരവും പാരീസിലെ ഈഫല്‍ ടവറിനേക്കാള്‍ മൂന്നിരട്ടി ഉയരവുമുണ്ട്.2018ല്‍ 15.93 ദശലക്ഷം പേരാണ് ബുര്‍ജ് ഖലീഫയുടെ മുകളിലെ കാഴ്ചകള്‍ നിരീക്ഷിക്കാനായി എത്തിയത്. പ്രതിവര്‍ഷം 600 മുതല്‍ 700 ദശലക്ഷം ദിര്‍ബം വരെ നിരീക്ഷണപാത നിലവില്‍ സ്വന്തമാക്കുന്നുണ്ടെന്നാണ് വിലയിരുത്തല്‍. ദുബൈ വിനോദസഞ്ചാരത്തിനും വിദേശ വ്യാപാരത്തിനും ബിസിനസിനും വന്‍വളര്‍ച്ച നേരിടുമ്പോഴും യുഎഇയുടെ റിയല്എസ്റ്റേറ്റ് മേഖലയില്‍ കടുത്തമ ാന്ദ്യം നേരിടുന്നതായാണ് റിപ്പോര്‍ട്ട്. ഇന്ന് നടക്കുന്ന സൂര്യഗ്രഹണം വീക്ഷിക്കാനും ബുര്‍ജ് ഖലീഫയുടെ മുകളില്‍ സൗകര്യമൊരുക്കിയിരുന്നു. മുന്നൂറ് ദിര്‍ഹമായിരുന്നു ടിക്കറ്റ് വില. നിരവധി പേരാണ് ലോകത്തിലെ ഏറ്റവും വലിയ കെട്ടിടത്തില്‍ നിന്ന് സൂര്യഗ്രഹണ കാഴ്ചകള്‍ വീക്ഷിക്കാന്‍ എത്തിയത്.
