യുഎസ് കമ്പനി ജീപ്പിന്റെ പുതിയ പതിപ്പായ കോമ്പസ് സ്വന്തമാക്കാന്‍ താല്‍പ്പര്യപ്പെടുന്നവര്‍ക്ക് നല്ലൊരു അവസരമാണ് വന്നിരിക്കുന്നത്. കോമ്പസിന്റെ വിവിധ പതിപ്പുകള്‍ക്ക് വിവിധ ആനുകൂല്യങ്ങളും ഓഫറുകളുമൊക്കെ പ്രഖ്യാപിച്ചിട്ടുണ്ട് കമ്പനി. പെട്രോള്‍ വേരിയന്റിനേക്കാള്‍ ഡീസല്‍ വേരിയന്റിനാണ് ഓഫറുകള്‍ കൂടുതലും നല്‍കിയിരിക്കുന്നത്. എന്‍ട്രി-ലെവല്‍ സ്‌പോര്‍ട്‌സ് 4*2 ഡീസല്‍ മോഡലിന് 1.6 ലക്ഷം രൂപ ആനുകൂല്യം പ്രഖ്യാപിച്ചു. പെട്രോള്‍ വേരിയന്റിന് 70,000 രൂപയാണ് ഓഫര്‍ . സ്‌പോര്‍ട്‌സ് പ്ലസ് ഡീസല്‍ പതിപ്പില്‍ 1.1 ലക്ഷം രൂപയും പെട്രോള്‍ വേരിയന്റിന് അമ്പതിനായിരം രൂപയും ആനുകൂല്യം ലഭിക്കും.
കൂടാതെ കോമ്പസ് ലിമിറ്റഡ് പ്ലസ് ,ലിമിറ്റഡ് പ്ലസ് 4*4 തുടങ്ങിയമ മോഡലുകള്‍ക്കൊന്നും കമ്പനി ഓഫര്‍ പ്രഖ്യാപിച്ചിട്ടില്ല.ഉടന്‍ കോമ്പസിന്റെ ഫെയ്‌സ് ലിഫ്റ്റ് പതിപ്പുകളെ വിപണിയില്‍ അവതരിപ്പിക്കുമെന്ന് കമ്പനി വ്യക്തമാക്കി.2017ല്‍ ഇന്ത്യന്‍ വിപണിയിലെത്തിയ ജീപ്പ ്‌കോമ്പസിന് വന്‍ സ്വീകാര്യതയാണ് വിപണിയില്‍ ലഭിച്ചത്. 2020ല്‍ ബിഎസ് 6 അനുസരിച്ചുള്ള പതിപ്പ് വിപണിയിലെത്തിയേക്കും. കോമ്പസിന്റെ വകഭേദങ്ങള്‍ക്ക് 14.99 ലക്ഷം മുതല്‍ 26.8 ലക്ഷം വരെയാണ് എക്‌സഷോറൂം വില.
