ഓഹരി വിപണി രണ്ട് ദിവസത്തെ തകര്‍ച്ചയ്ക്ക് ശേഷം ഇന്ന് നേട്ടത്തോടെ അവസാനിച്ചു. മുംബൈ ഓഹരി സൂചികയായ സെന്സെക്സ് 489.80 പോയിന്റ് ഉയര്‍ന്ന് 39054.68 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 150.20 പോയിന്റ് ഉയര്‍ന്ന് 11726.20 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍ 1232 കമ്പനികളുടെ ഓഹരികള്‍ നേട്ടത്തിലും, 1237 കമ്പനികളുടെ ഓഹരികള്‍ നഷ്ടത്തലുമാണുള്ളത്.
ഉള്‍ട്രാടെക് സിമന്റ് (4.68%), ബിപിസിഎല്‍ (3.76%), എച്ച്‌സിഎല്‍ ടെക് (3.76%), ഒഎന്‍ജിസി (2.99%), ഐഒസി (2.95%) എന്നീ കമ്പനികളുടെ ഓഹരികളിലാണ് ലാഭം ഉണ്ടായത്.
അതേസമയം ചില കമ്പനികളുടെ ഓഹരികളില്‍ നഷ്ടവും നേരിട്ടു. ടാറ്റാ മോട്ടോര്‍സ് (-3.48%), ഹീറോ മോട്ടോ കോര്‍പ് (-0.99%), കോള്‍ ഇന്ത്യ (-0.59%), സിപ്ല (-0.56%), പവര്‍ ഗ്രിഡ് കോര്‍പ് (-0.54) എന്നീ കമ്പനികളുടെ ഓഹരികളാണ് നഷ്ടത്തിലേക്ക് കൂപ്പുകുത്തിയത്.
വ്യാപാരത്തിലെ സമ്മര്‍ദ്ദം മൂലം ചില കമ്പനികളുടെ ഓഹരികളില്‍ കൂടുതല്‍ ഇടപാടുകളും നടന്നു. ടാറ്റാ മോട്ടോര്‍സ് (1,125.10), റിലയന്‍സ് (1,022.80), യെസ് ബാങ്ക് (921.13), ഉള്‍ട്രാ ടെക്‌സിമന്റ് (872.72), മാരുതി സുസൂക്കി (746.23) എന്നീ കമ്പനികളുടെ ഓഹരികളിലാണ് കൂടുതല്‍ ഇടപാടുകള്‍ നടന്നത്.
