ഉയര്‍ന്ന നിലവാരത്തില്‍ ചെറുകിട നിക്ഷേപകരും, വന്‍കിട ഊഹകച്ചവടക്കാരും, ലാഭം ബുക്ക് ചെയ്തതു മൂലം വിപണിയില്‍ നേരിയ നഷ്ടം. ബാങ്കിങ് മുന്‍ നിര ഓഹരികളില്‍ ലാഭമെടുക്കുന്ന പ്രവണത ഇപ്പോള്‍ വിദേശ വിപണികളിലെ അനിശ്ചിതത്വം മൂലം പ്രകടമായി. മുംബൈ ഓഹരി സൂചികയായ സെന്സെക്സ് 117.77 പോയിന്റ് താഴ്ന്ന് 39,714.20 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 23.10 പോയിന്റ് താഴ്ന്ന് 11,922.80. ലെത്തിയാണ് വ്യാപാരം അവസാനിച്ചത്. നിലവില്‍ 1020 കമ്പനികളുടെ ഒാഹരികള്‍ നേട്ടത്തിലും, 1534 കമ്പനികളുടെ ഓഹരികള്‍ നഷ്ടത്തിലുമാണുള്ളത്.
ടെക് മഹഹീന്ദ്ര (3.45%), ഏഷ്യന്‍ പെയിന്റ്‌സ് (2.38%), ടിസിഎസ് (2.34%), ഐഒസി (2.22%), അദാനി പോര്‍ട്‌സ് (1.73%) എന്നീ കമ്പനികളുടെ ഓഹരികളിലാണ് നേട്ടമുണ്ടായത്. അതേസമയം ചില കമ്പനികളുടെ ഓഹരികളില്‍ നഷ്ടവും നേരിട്ടു. യെസ് ബാങ്ക് (-4.65%), ഐടിസി (-3.50%), ഗ്രാസിം (-22.78%), എം&എം (-2.21%), സീ എന്റര്‍ടെയ്ന്‍ (-2.14%) എന്നീ കമ്പനികളുടെ ഓഹരികളിലാണ് നഷ്ടം നേരിട്ടത്.
വ്യാപാരത്തിലെ ആശയ കുഴപ്പം മൂലം ചില കമ്പനികളുടെ ഓഹരികളില്‍ കൂടുതല്‍ ഇടപാടുകളും നടന്നു. റിലയന്‍സ് (1,563.65), എച്ച്ഡിഎഫ്‌സി (1,259.23), എസ്ബിഐ (1,148.44), ഐസിഐസിഐ ബാങ്ക് (1,044.05) എന്നീ കമ്പനികളുടെ ഓഹരികളിലാണ് കൂടുതല്‍ ഇടപാടുകള്‍ നടന്നത്.
