മുംബൈ: ഇന്ത്യന്‍ സൂചികകള്‍ ഡിസംബര്‍ 10 ന് നഷ്ടത്തില്‍ വ്യാപാരം ആരംഭിച്ചു. നിഫ്റ്റി 13500 ന് താഴെയാണ് ഇന്ന് വ്യാപാരം ആരംഭിച്ചത്. രാവിലെ 09:16ന് സെന്സെക്സ് 179.07 പോയിന്റ് അഥവാ 0.39% ഇടിഞ്ഞ് 45,924.43 ല്‍ എത്തി. നിഫ്റ്റി 58 പോയിന്റ് അഥവാ 0.43% താഴ്ന്ന് 13,471.10ല്‍ എത്തി. 660 ഓളം ഓഹരികള്‍ ഇന്ന് മുന്നേറിയപ്പോള്‍, 677 ഓഹരികള്‍ ഇടിഞ്ഞു. 86 ഓഹരികള്‍ മാറ്റമില്ലാതെ തുടരുന്നു.
മേഖലാ സൂചികകളില്‍ നിഫ്റ്റി ബാങ്ക് സൂചിക 0.5 ശതമാനം ഇടിഞ്ഞപ്പോള്‍ പൊതുമേഖലാ ബാങ്ക് സൂചിക 0.8 ശതമാനം ഇടിഞ്ഞു. നിഫ്റ്റി ഐടി, നിഫ്റ്റി മീഡിയ എന്നിവ 0.5 ശതമാനം വീതം കുറഞ്ഞു. പവര്‍ഗ്രിഡ്, മാരുതി സുസുക്കി, എസ്യുഎന്‍ ഫാര്‍മ, സിപ്ല, നെസ്ലെ ഇന്ത്യ എന്നിവയാണ് നിഫ്റ്റിയില്‍ ഏറ്റവും കൂടുതല്‍ നേട്ടമുണ്ടാക്കുന്ന ഓഹരികള്‍. യുപിഎല്‍ 7 ശതമാനം ഇടിവ് രേഖപ്പെടുത്തി.
ഇന്ത്യന്‍ റെയില്‍വേ കാറ്ററിംഗ് & ടൂറിസം കോര്‍പ്പറേഷന്റെ (ഐആര്‍സിടിസി) ഓഹരികള്‍ 13 ശതമാനം ഇടിഞ്ഞു. ഓഫര്‍ ഫോര്‍ സെയില്‍ (ഓഫ്സ്) വഴി ഐആര്‍സിടിസിയുടെ 20 ശതമാനം ഓഹരികള്‍ വില്‍ക്കാനാണ് സര്‍ക്കാര്‍ തീരുമാനിച്ചിരിക്കുന്നത്. വ്യാഴാഴ്ച സബ്സ്‌ക്രിപ്ഷനായി തുറക്കും.
