മുംബൈ: ആഗോള വിപണികളിലെ വില്പന സമ്മര്ദം രാജ്യത്തെ സൂചികകളെയും ബാധിച്ചു. വിപണി ഒരു ശതമാനത്തിലേറെ നഷ്ടത്തിലാണ് ക്ലോസ് ചെയ്തത്. ആഗോള വ്യാപകമായി വിലക്കയറ്റ ഭീഷണി നിലനില്ക്കുന്നതാണ് രണ്ടാം ദിവസവും സൂചികകളെ ബാധിച്ചത്. സെന്സെക്സ് 471.01 പോയിന്റ് താഴ്ന്ന് 48,690.80ലും നിഫ്റ്റി 154.30 പോയിന്റ് നഷ്ടത്തില് 14,696.50ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1571 കമ്പനികളുടെ ഓഹരികള് നേട്ടത്തിലും 1443 ഓഹരികള് നഷ്ടത്തിലുമായിരുന്നു. 151 ഓഹരികള്ക്ക് മാറ്റമില്ല.
ടാറ്റ സ്റ്റീല്, ഹിന്ഡാല്കോ, ജെഎസ്ഡബ്ല്യു സ്റ്റീല്, ഇന്ഡസിന്ഡ് ബാങ്ക്, ഹിന്ദുസ്ഥാന് യുണിലിവര് തുടങ്ങിയ ഓഹരികളാണ് പ്രധാനമായും നഷ്ടത്തിലായത്. ടാറ്റ മോട്ടോഴ്സ്, ടൈറ്റാന് കമ്പനി, മാരുതി സുസുകി, പവര്ഗ്രിഡ് കോര്പ്, യുപിഎല് തുടങ്ങിയ ഓഹരികള് നേട്ടമുണ്ടാക്കുകയുംചെയ്തു.
സെക്ടറല് സൂചികകളില് പൊതുമേഖല സൂചിക മൂന്നുശതമാനത്തിലേറെ ഉയര്ന്നപ്പോള് നിഫ്റ്റി ബാങ്ക്, മെറ്റല്, എനര്ജി സൂചികകള് 1-3ശതമാനം താഴുകയുംചെയ്തു. ബിഎസ്ഇ മിഡ്ക്യാപ്, സ്മോള് ക്യാപ് സൂചികകളും നഷ്ടത്തിലാണ് ക്ലോസ് ചെയ്തത്.
