മുംബൈ: കനത്ത ചാഞ്ചാട്ടമാണ് വ്യാഴാഴ്ചയും സൂചികകള് നേരിട്ടത്. ആഗോളതലത്തിലെ ശുഭമല്ലാത്ത സാഹചര്യങ്ങള് നിക്ഷേപകരെ കരുതലെടുക്കാന് പ്രേരിപ്പിച്ചു. സെന്സെക്സില് 700 പോയിന്റിന്റെയും നിഫ്റ്റിയില് 200 പോയിന്റിന്റെയും ചാഞ്ചാട്ടമുണ്ടായി. ഒടുവില് 105 പോയിന്റ് നഷ്ടത്തില് 57,892ലാണ് സെന്സെക്സ് ക്ലോസ് ചെയ്തത്. നിഫ്റ്റിയാകട്ടെ 17 പോയന്റ് താഴ്ന്ന് 17,305ലുമെത്തി.
ആഴ്ചയിലെ ഫ്യൂച്ചേഴ്സ് കരാറുകള് അവസാനിക്കുന്ന ദിവസമായതും റഷ്യ-യുക്രൈന് സംഘര്ഷവുമൊക്കെയാണ് വിപണിയെ ബാധിച്ചത്. ഐസിഐസിഐ ബാങ്ക്, ആക്സിസ് ബാങ്ക്, അള്ട്രടെക് സിമെന്റ്സ്, ഇന്ഡസിന്ഡ് ബാങ്ക്, എച്ച്ഡിഎഫ്സി ബാങ്ക് തുടങ്ങിയ ഓഹരികളാണ് പ്രധാനമായും നഷ്ടംനേരിട്ടത്. അതേസമയം, അദാനി ഗ്രീന് ഓഹരി 6 ശതമാനം നേട്ടമുണ്ടാക്കി.
എച്ച്ഡിഎഫ്സി രണ്ട് ശതമാനവും ഉയര്ന്നു. ബാങ്ക് സൂചിക ഒരു ശതമാനം നഷ്ടം നേരിട്ടു. പവര് സൂചിക രണ്ട് ശതമാനം നേട്ടമുണ്ടാക്കുകയും ചെയ്തു. ബിഎസ്ഇ മിഡ്ക്യാപ് സൂചിക 0.22ശതമാനവും സ്മോള് ക്യാപ് 0.67 ശതമാനം നഷ്ടത്തിലായി.
