മുംബൈ: അവസാന മണിക്കൂറിലെ ലാഭമെടുപ്പ് കരുത്ത് ചോര്‍ത്തിയെങ്കിലും സൂചികകള്‍ നേട്ടത്തില്‍ ക്ലോസ് ചെയ്തു. ബാങ്കുള്‍പ്പടെയുള്ള ധനകാര്യസ്ഥാപനങ്ങളാണ് പ്രധാനമായും നേട്ടമുണ്ടക്കിയത്. സെന്സെക്സ് 86 പോയിന്റ് നേട്ടത്തില്‍ 38,614.79ലും നിഫ്റ്റി 23 പോയിന്റ് ഉയര്‍ന്ന് 11,408.40ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1651 കമ്പനികളുടെ ഓഹരികള്‍ നേട്ടത്തിലും 926 ഓഹരികള്‍ നഷ്ടത്തിലുമായിരുന്നു. 104 ഓഹരികള്‍ക്ക് മാറ്റമില്ല.
സീ എന്റര്‍ടെയ്ന്‍മെന്റ്, ഗെയില്‍, ഭാരതി എയര്‍ടെല്‍, ടെക് മഹീന്ദ്ര, മാരുതി സുസുകി തുടങ്ങിയ ഓഹരികളാണ് നേട്ടമുണ്ടാക്കിയത്. ബജാജ് ഓട്ടോ, നെസ് ലെ, കോള്‍ ഇന്ത്യ, വിപ്രോ തുടങ്ങിയ ഓഹരികള്‍ നഷ്ടത്തിലുമായിരുന്നു. ഐടി, ഫാര്‍മ സൂചികകളാണ് നഷ്ടമുണ്ടാക്കിയത്. ബാങ്ക്, ഊര്‍ജം, അടിസ്ഥാന സൗകര്യവികസനം തുടങ്ങിയ മേഖലകളിലെ ഓഹരികള്‍ നേട്ടമുണ്ടാക്കുകുയുംചെയ്തു. ബിഎസ്ഇ മിഡ്ക്യാപ്, സ്മോള്‍ ക്യാപ് സൂചികകള്‍ ഒരുശതമാനംവരെ ഉയരത്തിലാണ് വ്യാപാരം അവസാനിപ്പിച്ചത്.
