തിരുവനന്തപുരം: സംസ്ഥാനത്ത് ഇന്ന് സ്വര്‍ണവിലയില്‍ വന്‍ വര്‍ധന രേഖപ്പെടുത്തി. ഗ്രാമിന് 10 രൂപയാണ് ഇന്ന് ഉയര്‍ന്നത്. പവന് 80 രൂപയും വര്‍ധിച്ചു. ഗ്രാമിന് 3,020 രൂപയാണ് ഇന്നത്തെ സ്വര്‍ണവില. ഒരു പവന് സ്വര്‍ണത്തിന് 24,160 രൂപയാണ് ഇന്നത്തെ നിരക്ക്. മെയ് മൂന്നിന് ഗ്രാമിന് 3,010 രൂപയും പവന് 24, 080 രൂപയുമായിരുന്നു നിരക്ക്. ആഗോളവിപണിയിലും സ്വര്‍ണവില വര്‍ധിക്കുകയാണ്. 2.55 ഡോളറാണ് ഇന്ന് ഉയര്‍ന്നത്. ഒരു ട്രോയ് ഔണ്‍സ് സ്വര്‍ണത്തിന് (31.1 ഗ്രാം) 1,325.54 ഡോളറാണ് ഇന്നത്തെ നിരക്ക്.
