ഈ ആഴ്ചത്തെ ആദ്യ വ്യാപാര ദിനമായ ഇന്ന് ഓഹരി വിപണി നേട്ടത്തോടെ അവസാനിച്ചു. മുംബൈ ഓഹരി സൂചികയായ സെന്സെക്സ് 168.62 പോയിന്റ് ഉയര്‍ന്ന് 39784.52 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 52 പോയിന്റ് ഉയര്‍ന്ന് 11922.70 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍ 967 കമ്പനികളുടെ ഓഹരികള്‍ നേട്ടത്തിലും, 1619 കമ്പനികളുടെ ഓഹരികള്‍ നഷ്ടത്തിലുമാണുള്ളത്. ഐടി, എഫ്എംസിജി, ഫാര്‍മ്മ എന്നീ ഓഹരികളിലാണ് നേട്ടം കൊയ്തത്.
ബ്രിട്ടാനിയ (3.28%), ടെക് മഹീന്ദ്ര (2.32%), ടിസിഎസ് (2.28%), ഇന്‍ഫോസിസ് (1.95%), ഡോ. റെഡ്ഡിസ് ലാബ്‌സ് (1.88%) എന്നീ കമ്പനികളുടെ ഓഹരികളിലാണ് നേട്ടമുണ്ടാക്കിയത്.
അതേസമയം ചില കമ്പനികളുടെ ഓഹരികളില്‍ ഇന്ന് നഷ്ടം നേരിട്ടു. ബിപിസിഎല്‍ (-3.31%), യെസ് ബാങ്ക് (-2.86%), കോള്‍ ഇന്ത്യ (-2.35%), ഗെയ്ല്‍ (-2.10), ടാറ്റാ മോട്ടോര്‍സ് (-1.95%) എന്നീ കമ്പിനകളുടെ ഓഹരികളിലാണ് ഇന്ന് നഷ്ടം നേരിട്ടത്.
വ്യാപാരത്തിലെ സമ്മര്‍ദ്ദം മൂലം ചില കമ്പനികളുടെ ഓഹരികളില്‍ കൂടുതല്‍ ഇടപാടുകള്‍ നടന്നു. യെസ് ബാങ്ക് (1,173.70), റിലയന്‍സ് (709.60), എസ്ബിഐ (705.80), എച്ച്ഡിഎഫ്‌സി (545.01), ഐസിഐസിഐ ബാങ്ക് (543.98) എന്നീ കമ്പിനകളുടെ ഓഹരികളിലാണ് കൂടുതല്‍ ഇടപാടുകള്‍ നടന്നത്.
