ഓഹരി വിപണി ഇന്ന് നഷ്ടത്തോടെ അവസാനിച്ചു. മുംബൈ ഓഹരി സൂചികയായ സെന്സെക്സ് 230.22 പോയിന്റ് താഴ്ന്ന് 37558.91 ലെത്തിയാണ് ഇന്ന് വ്യാപാരം അവസാനിച്ചത്. അതേസമയം ദേശീയ ഓഹരി സൂചികയായ നിഫ്റ്റി 57.70 പോയിന്റ് താഴ്ന്ന് 11301.80 ലെത്തിയാണ് വ്യാപാരം അവസാനിച്ചത്. നിലവില്‍ 1074 കമ്പനികളുടെ ഓഹരികള്‍ നേട്ടത്തിലും 1370 കമ്പനികളുടെ ഓഹരികള്‍ നഷ്ടത്തിലുമാണുള്ളത്.
സി എന്റര്‍ടെയ്ന്‍ (7.93%), യെസ് ബാങ്ക് (5.94%), ബജാജ് ഫിനാന്‍സ് (1.71%), ബജാജ് ഫിന്‍സെര്‍വ് (1.65%), ഹീറോ മോട്ടോകോര്‍പ് (1.552%) എന്നീ കമ്പനികളുടെ ഓഹരികളിലാണ് നേട്ടമുണ്ടായിട്ടുള്ളത്.
എന്നാല്‍ ചില കമ്പനികളുടെ ഓഹരികളില്‍ നഷ്ടവും നേരിട്ടു. റിലയന്‍സ് (-3.31%), ബിപിസിഎല്‍ (-3.09%), ഭാരതി എയര്‍ടെല്‍ (-2.79%), കോള്‍ ഇന്ത്യ (-2.73%), എന്‍ടിപിസി (-2.37%) എന്നീ കമ്പനികളുടെ ഓഹരികളിലാണ് നഷ്ടം നേരിട്ടത്.
അതേസമയം വ്യാപാരത്തിലെ ആശയകുഴപ്പവും, രാ്ര്രഷ്ടീയ സമ്മര്‍ദ്ദവും മൂലം ചില കമ്പനികളുടെ ഓഹരികളില്‍ കൂടുതല്‍ ഇടപാടുകള്‍ നടന്നു. റിലയന്‍സ് (2,450.33), യെസ് ബാങ്ക് (1,507.74), സീ എന്റര്‍ടെയ്ന്‍ (1,330.18), ഐസിഐസിഐ ബാങ്ക് (752.43), കോട്ടക് മഹിന്ദ്രാ ബാങ്ക് (651.80) എന്നീ കമ്പനികളുടെ ഓഹരികളിലാണ് കൂടുതല്‍ ഇടപാടുകള്‍ നടന്നത്.
