2020 ന്റെ ആരംഭം ഓഹരി വിപണിയില്‍ നേട്ടം. മാന്ദ്യം പടരുമെന്ന ആശങ്കകള്‍ ഒഴിവാക്കിയാണ് പുതുവര്‍ഷ പിറവിയില്‍ ഓഹരി വിപണി ഇന്ന് നേട്ടത്തിലേക്കെത്താന്‍ കാരണമായത്. മുംബൈ ഓഹരി സൂചികയായ സെന്സെക്സ് ഇന്ന് 52.28 പോയിന്റ് ഉയര്‍ന്ന് 41306.02 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 21.20 പോയിന്റ് ഉയര്‍ന്ന് 12189.70 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍ ഇന്ന് 1337 കമ്പനികളുടെ ഓഹരികള്‍ നേട്ടത്തിലും, 1062 കമ്പനികളുടെ ഓഹരികള്‍ നഷ്ടത്തിലുമാണുള്ളത്.
അദാനി പോര്‍ട്‌സ് (3.18%), പവര്‍ ഗ്രിഡ് കോര്‍പ്പ് (2.76%), എന്‍ടിപിസി (2.10%), വേദാന്ത (2.10%), എം ആന്‍ഡ് എം (0.95%) എന്നീ കമ്പനികളുടെ ഓഹരികളിലാണ് ഇന്ന് നേട്ടമുണ്ടാക്കിയത്.
എന്നാല്‍ വ്യാപാരത്തില്‍ രൂപപ്പെട്ട രാഷ്ട്രീയ പ്രതിസന്ധി മൂലം വിവിധ കമ്പനികളുടെ ഓഹരികളില്‍ ഇന്ന് നഷ്ടമുണ്ടായി. ടൈറ്റാന്‍ കമ്പനി (-2.79%), എയ്ച്ചര്‍ മോട്ടോര്‍സ് (-1.95%), ഇന്‍ഡസ്ഇന്‍ഡ് ബാങ്ക് (-1.70%), സീ എന്റര്‍ടെയ്ന്‍ (-1.21%), ബജാജ് ആട്ടോ (-1.10%) എന്നീ കമ്പനികളുടെ ഓഹരികളിലാണ് ഇന്ന് നഷ്ടം രേഖപ്പെടുത്തിയത്.
അതേസമയം വ്യാപാരത്തില്‍ രൂപപ്പെട്ട ആശയകുഴപ്പങ്ങള്‍ മൂലം വിവിധ കമ്പനികളുടെ ഓഹരികളില്‍ ഇന്ന് ഭീമമായ ഇടപാടുകളാണ് ഉണ്ടായിട്ടുള്ളത്. റിലയന്‍സ് (966.50), എസ്ബിഐ (581.25), ടാറ്റാ മോട്ടോര്‍സ് (478.99), യെസ് ബാങ്ക് (477.19) എന്നീ കമ്പനികളുടെ ഓഹരികളിലാണ് ഇന്ന് ഭീമമായ ഇടപാടുകള്‍ നടന്നത്.
