മുംബൈ: കഴിഞ്ഞ ദിവസത്തെ വില്പന സമ്മര്‍ദത്തില്‍ നിന്ന് ഉയര്‍ത്തെഴുന്നേറ്റ് വിപണി. നിഫ്റ്റി 13,000 നിലവാരത്തിന് അടുത്തെത്തുകയും ചെയ്തു. സെന്സെക്സ് 431.64 പോയിന്റ് നേട്ടത്തില്‍ 44,259.74ലിലും നിഫ്റ്റി 128.60 പോയിന്റ് ഉയര്‍ന്ന് 12,987ലുമാണ് വ്യാപാരം അവസാനിപ്പിച്ചത്.
ബിഎസ്ഇയിലെ 1726 കമ്പനികളുടെ ഓഹരികള്‍ നേട്ടത്തിലും 986 ഓഹരികള്‍ നഷ്ടത്തിലുമായിരുന്നു. 179 ഓഹരികള്‍ക്ക് മാറ്റമില്ല. വിദേശ നിക്ഷേപകരും റീട്ടെയില്‍ നിക്ഷേപകരും ഓഹരികള്‍ വാങ്ങാന്‍ താല്‍പര്യം പ്രകടിപ്പിച്ചതാണ് വിപണിക്ക് തുണയായത്. ടാറ്റ സ്റ്റീല്‍, ഗ്രാസിം ഇന്‍ഡസ്ട്രീസ്, ഹിന്‍ഡാല്‍കോ, ശ്രീ സിമെന്റ്സ്, ബജാജ് ഓട്ടോ, ആക്സിസ് ബാങ്ക്, എച്ച്ഡിഎഫ്സി ബാങ്ക്, എച്ച്സിഎല്‍ ടെക് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്.
ഐഷര്‍ മോട്ടോഴ്സ്, ബിപിസിഎല്‍, മാരുതി സുസുകി, ഒഎന്‍ജിസി തുടങ്ങിയ ഓഹരികള്‍ നഷ്ടത്തിലുമായിരുന്നു. ലോഹ വിഭാഗം ഓഹരികളുടെ സൂചികയാണ് മികച്ച നേട്ടമുണ്ടാക്കിയത്. നാലു ശതമാനം ഉയര്‍ന്നു. ബാങ്ക്, ഫാര്‍മ സൂചികകള്‍ ഒരു ശതമാനത്തോളവും നേട്ടമുണ്ടാക്കി.
